09.01.17

Այսօր iPhone-ը դարձավ 10 տարեկան


Որոշ իրադարձություններ ունակ են փոխել ողջ պատմության ընթացքը։ Դրանք փոխում են մարդկանց կյանքը, կենցաղն ու ապրելակերպը։

10 տարի առաջ Սան-Ֆրանցիսկոյում Apple-ի հատուկ ասուլիսի ժամանակ ներկայացվեց առաջին iPhone-ը, որը լիովին փոխեց բոլոր պատկերացումները հեռախոսների վերաբերյալ։ 

Այդ տարիներին բոլորը ցանկանում էին գնել այդ հրաշքը, անգամ տասնյակ մետրեր երկարությամբ հերթեր էին գոյանում ամերիկյան խանութներում iPhone 2G կամ ինչպես Apple-ում են սիրում անվանել՝ Original iPhone գնելու համար։ 

Վաճառքի մեկնարկից մեկ շաբաթ անց Apple-ն ամբողջ աշխարհում վաճառել էր շուրջ 2 միլիոն Original iPhone: Նման ցուցանիշ երբեք չէր գրանցվել ոչ մի ընկերության կողմից։ Apple-ն առաջինն էր, և հենց այդ օրերից սկսեց կանգնել առաջին աստիճանին՝ որպես ամենանորարար ընկերություններից մեկն աշխարհում։ 

Կատարյալ դիզայն և կատարողականություն, հրաշալի տեսախցիկ և գերազանց օպերացիոն համակարգ, բարակություն և հզորություն․ ահա թե ինչի վրա էր շեշտը դրել ամերիկյան ընկերությունը, որը շուտով պիտի դառնար ամենաթանկարժեք ընկերություններից մեկն աշխարհում։

Apple-ը շարժվում է առաջ՝ ներկայացնելով բազմաթիվ սարքեր՝ սմարթֆոնից մինչև պլանշետ, համակարգչից մինչև նոթբուք, iPod-ից մինչև Apple TV: 

10 տարի առաջ հենց այս օրը Սթիվ Ջոբսը ներկայացրեց առաջին iPhone-ը՝ չգիտակցելով անգամ, թե ինչպիսի՞ հեղափոխություն կանի աշխարհում։


 Սարգիս


    Դիտումներ` 201